Londonning “Arsenal” klubi yarim himoyachisi va sardori Martin Edegor jamoa bilan yangi shartnoma imzolashi haqida gapirdi. Eslatib o‘tamiz, Martinning amaldagi shartnomasi 2025 yilning yozida yakuniga yetadi.
"Men "Arsenal"da juda baxtliman, umid qilamanki, klubda uzoq vaqt qolaman. Ko‘ramiz, yozdan keyin shartnoma holati qanday bo‘ladi. To‘g‘risini aytsam, hali muzokaralar yo‘q. Ko‘p narsa menga bog‘liq emas. Hech qanday shoshqaloqlik yo‘q, chunki yana ikki yillik shartnomam bor”, - deya Edegor so‘zlarini keltiradi jurnalist Fabrisio Romano.
2022/23 yilgi mavsum 24 yoshli Edegor uchun faoliyatidagi eng sermahsul bo‘ldi. Futbolchi Premyer-ligadagi mavsumni 15 gol va 8 golli uzatma bilan yakunladi.
