"Интер" ярим ҳимоячиси Дензель Дюмфрис келажаги ҳақида гапирди.
Голландиялик футболчи "Интер"ни севишини тан олди, шу билан бирга клубдан кетиши мумкинлигини ҳам инкор этмади.
"Мен "Интер"ни яхши кўраман, кетишга ҳеч қандай сабаб йўқ. Бугун футбол жуда динамик: футболчилар келиб-кетади. Келинг, кейин нима бўлишини кўрамиз", - деди Дюмфрис.
Дюмфриснинг "Интер" билан амалдаги шартномаси 2025 йилнинг ёзига қадар мўлжалланган. Трансфермаркт портали Голландия терма жамоаси футболчисини 28 миллион еврога баҳолади.
Ярим ҳимоячи ўтган мавсумда "нерадзуррилар" сафида 51 та ўйинда майдонга тушиб, 2 та гол урди ва 7 та голли узатмани амалга оширди.
