"Челси" "Сельта" ярим ҳимоячиси Габриэль Вейга учун таклиф тайёрламоқда.

The Guardian хабарига кўра, Вейга Мойсес Кайседога муқобил сифатида кўрилмоқда, у учун "Брайтон" 100 миллион фунт стерлингга яқин маблағ сўраган. "Челси" Кайседони қўлга киритиш учун фаворит бўлишига қарамай, "Брайтон" билан музокаралар секин кетмоқда.

Вейганининг шартномасида товон пули 34 миллион фунтни ташкил этади. "Сельта" ярим ҳимоячиси учун яқин вақт ичида таклиф тушиши мумкин. Қайд этилишича, Вейга билан “Ливерпуль” ва “Барселона” ҳам қизиқмоқда.

Вейга ўтган мавсумда "Сельта" сафида Ла Лигада 36 та ўйинда майдонга тушиб, 11 та гол урди ва 3 та голга ассистентлик қилди.