"Фиорентина" ярим ҳимоячиси Софьян Амрабат фаолиятини давом эттириш учун бир қарорга келди.
Сўнгги пайтларда марокашлик футболчининг "Барселона", "Бавария" ва "Манчестер Юнайтед"га ўтиши ҳақида гап кетганди, аммо бу масала трансфер бўйича аниқ музокараларга тўғри келмади. Журналист Изем Анасснинг ёзишича, 26 ёшли ярим ҳимоячи яқин келажакдаги режалари ҳақида бир қарорга келган - у Мадриднинг "Атлетико"сига ўтмоқчи.
Софьян Амрабат ва "Фиорентина" ўртасидаги меҳнат шартномаси келаси ёзгача ҳисобланган. Марокаш терма жамоаси футболчисининг трансфер нархи 30 миллион еврога баҳоланмоқда.
