"Тоттенхэм" ҳужумчиси Харри Кейн "Челси" учун номзодлардан бирига айланди.
The Sun хабарига кўра, "кўклар" 29 ёшли ҳужумчининг трансфери борасида "шпорлар" билан боғланишган.
Қайд этилишича, Кейн хизматларига шахсан футболчи билан “Тоттенхэм”да бирга ишлаган “Челси” бош мураббийи Маурисио Почеттино қизиқмоқда.
Кейн ўтган мавсумда барча мусобақаларда 49 ўйинда 32 гол урган. Бундан ташқари, ҳужумчи бешта голли узатма ҳам ёзди.