Куни кеча Танзания ва Нигер терма жамоалари ўртасида ўйин бўлиб ўтди. Ушбу терма жамоалар Африка Миллатлар кубоги саралаш босқичида ўзаро баҳс олиб боришди. Учрашув якунида ҳакам тўп ташлаб берадиган болакайларни четлаштиришга мажбур бўлди. Бу ҳақда журналист Эрик Нжиру ижтимоий тармоқлар орқали хабар берди.
Танзания 1:0 ҳисобида олдинда бораётган эди ва учрашув сўнгида тўп ташлаб берувчи болакайлар найрангларини қўллай бошлашди. Нигер терма жамоасининг ҳужуми чоғида бу болакайлар тўртта тўпни майдонга ташлашди. Маълумки, бу ҳолатда футбол қоидалари ҳакамни ўйинни тўхтатишга мажбур қилади.
Ҳакам ҳуштаги чалиб, майдон чизиғига борди ва тўп ташлаб берувчи болаларга ўз ишларини ташлаб, майдонни тарк этишларини ишора қилди.
Финал ҳуштаги чалинганидан кейин 1:0 ҳисоби таблода қолди.
