Ўзбекистон олимпия терма жамоаси бугун Хитой U-23 жамоасига қарши сафарда кечган иккинчи ўртоқлик учрашувида ҳам ғалаба қозонишди.

Мезбонлар 10-дақиқада ҳисобни очишган бўлса, орадан 5 дақиқа ўтиб Жасур Жалолиддинов бош билан рақиб дарвозасини ишҳол қилди.

Биринчи бўлим тугашига 2 дақиқа қолганида Алишер Одилов мезбонлар жарима майдонидаги пала-партишликдан унумли фойдаланиб, жамоамизнинг иккинчи голини урди. Ушбу ҳисоб ўйинда бошқа ўзгармади.

Ушбу жамоалар ўртасидаги 3 кун аввал бўлиб ўтган дастлабки ўйинда Темур Кападзе жамоаси 3:1 ҳисобида ғалаба қозонганди.

U-23 Халқаро ўртоқлик учрашуви
Хитой - Ўзбекистон - 1:3
Голлар: Жиа Фейфан (10ʼ) — Жасурбек Жалолиддинов (15ʼ), Алишер Одилов (43ʼ).
Ўзбекистон: Абдунабиев, Мирсаидов, Абдумажидов, Ҳамралиев, Ибрагимов, Ҳошимов, Жалолидинов, Маҳамаджонов, Жиянов, Одилов, Бўриев
Захирадан майдонга тушганлар: Пўлатхўжа Холдорхонов, Ҳусайн Норчаев, Умарали Раҳмоналиев, Муҳаммадазиз Иброҳимов, Жавоҳир Утамуродов, Фарруҳ Мухторов, Элдор Бегимов.