“Бунёдкор” – “Навбаҳор” учрашувидан кейинги матбуот анжуманинг иккинчи қисмида “қалдирғочлар” устози иштирок этди.

- Бугун биз қизиқарли кечган учрашувда ҳақли ғалабага эришдик. Бутун ўйин давомида тўп назорати шогирдларимда бўлди ва рақиб дарвозаси олдида жуда кўплаб хавфли вазиятлар содир этдик. Агар биринчи бўлимдаги вазиятлардан унумли фойдаланганимизда, ўйин умуман бошқача давом этарди. Мурзоев ўзи яратган иккала вазиятини голга айлантирганида якунда йирик ҳисоб қайд этилиши ҳеч гап эмасди. Ўйин охирларида ҳақиқат қарор топиб, уч очкони қўлга киритдик. Бундан хурсандман, - деди Миржалол Қўшоқович.

- Нега яратилган вазиятлардан унумли фойдаланишда оқсаяпсизлар?
- Биласизми, бу – футбол! Ҳамма гол уришга интилади, бироқ ҳар сафар ҳам гол бўлавермайди. Мураббийлар қандай кўрсатма беришларидан қатъи назар майдонда футболчилар тўп тепишади. Яхшиямки, голли вазиятлар содир этяпмиз. Агарда умуман хавфли вазиятлар ҳам ярата олмаганимизда у ҳолда тушкунликка тушардик. Ишлашда давом этамиз.

- Нима деб ўйлайсиз, бугун “Ульсан Хёндэ” билан бўладиган баҳс олдидан репетиция бўлдими ёки жамоа кўп куч йўқотдими?
- Фикримча, униси ҳам, буниси ҳам бўлди. Ўйлайманки, Жанубий Корея жамоасига қарши ўйингача биз тиклана оламиз.