"Манчестер Сити" ҳамон ярим ҳимоячи Илкай Гюндоган билан шартномани узайтиришдан умидвор. Бу ҳақда журналист Рожер Торелло ижтимоий тармоқларда хабар берди. Манбанинг қайд этишича, “шаҳарликлар” футболчини эркин агент сифатида йўқотишни исташмаяпти.

Шу билан бирга, Лондоннинг "Арсенал" клуби Гюндоганнинг трансфери учун астойдил курашмоқда, у ҳозирда "Барселона"га ўтишга кўпроқ мойил бўлиб, каталонияликлар томонидан унга уч йиллик шартнома таклиф қилишмоқда.

Эслатиб ўтамиз, Илкай "кўк-анорранглилар"нинг ушбу ёздаги асосий мақсадларидан бири ҳисобланади. Хави Эрнандес жамоаси Гюндоганга бир неча ойдан бери таклифнома устида ишламоқда.