Саудия Арабистони клуби расмий сайти хабарига кўра, ярим ҳимоячи Н'Голо Канте "Ал-Иттиҳод" билан шартнома имзолади.
Олдинроқ 32 ёшли франциялик футболчи мавсум учун 100 миллион евро олиши ҳақида хабар берилганди. Ҳужумчи Карим Бензема ҳам бу ёзда жамоага келиб қўшилган.
Канте "Челси"да 2016 йилдан буён ўйнаб келаётган эди. Ўтган мавсумда у барча турнирларда 9та ўйинда майдонга тушиб, битта голга ассистентлик қилган. У жароҳат туфайли мавсумнинг кўп қисмини ўтказиб юборди.