Saudiya Arabistoni klubi rasmiy sayti xabariga ko‘ra, yarim himoyachi N'Golo Kante "Al-Ittihod" bilan shartnoma imzoladi.
Oldinroq 32 yoshli fransiyalik futbolchi mavsum uchun 100 million yevro olishi haqida xabar berilgandi. Hujumchi Karim Benzema ham bu yozda jamoaga kelib qo‘shilgan.
Kante "Chelsi"da 2016 yildan buyon o‘ynab kelayotgan edi. O‘tgan mavsumda u barcha turnirlarda 9ta o‘yinda maydonga tushib, bitta golga assistentlik qilgan. U jarohat tufayli mavsumning ko‘p qismini o‘tkazib yubordi.