Германия терма жамоаси бош мураббийи Ханс Флик ўз лавозимини тарк этиш ниятида эмас.
“Менинг футбол ғояларим бу жамоага мос келади. Мен ҳали шунга ўхшаш вазиятга дуч келмадим. Мен Германиянинг энг яхши футболчилари билан ишлай оламан, ишимдан роҳат оламан. Сентябрда биз яхшироқ ўйин кўрсатишга ҳаракат қиламиз", - дея Флик сўзларини келтиради Bayern & Germany.
Германия терма жамоаси 2023 йилги беш учрашувда учта мағлубият аламини тотиб кўрди. Бунгача Флик шогирдлари ўртоқлик учрашувларида Колумбия (0:2), Бельгия (2:3) ва Польшага (0:1) мағлуб бўлган, Украина билан дуранг ўйнаган (3:3) ва Перуни (2:0) мағлуб этганди.