"Челси" ярим ҳимоячиси Мэйсон Маунт "Манчестер Юнайтед"нинг асосий трансфер мақсади ҳисобланади.
Инсайдер Фабрицио Романонинг ижтимоий тармоқларида хабар беришича, "манкунианликлар" футболчи билан муваффақиятли музокара олиб боришган ва меҳнат шартномаси тафсилотларини келишиб олган.
“Қизил иблислар” ярим ҳимоячининг трансфер суммаси бўйича “аристократлар” билан келишиб олишлари керак. Пойтахт клуби Маунтни сотишдан 70-75 миллион евро олмоқчи.
Мэйсон "Челси" академиясининг тарбияланувчиси ҳисобланади. 24 ёшли ярим ҳимоячи ўтган мавсумда АПЛда 24 та ўйинда майдонга тушиб, 3 та гол ва 2 та голли узатмага муаллифлик қилган.
