Ярим ҳимоячи Илкай Гюндоган "Барселона" ўрнига "ПСЖ"га ўтиши мумкин эди.
"Манчестер Сити" сардорининг амалдаги шартномаси якунланмоқда ва тез орада футболчи эркин агент сифатида "Барселона"га ўтади. Журналист Керри Хоунинг сўзларига кўра, 32 ёшли футболчини унга яхшироқ шартномалар таклиф қилган "ПСЖ" ҳам қўлга киритишга ҳаракат қилган. Шунга қарамай, Гюндоган аввалроқ ўзи ўтишга мойил бўлган Каталония клубини танлади.
Баъзи маълумотларга кўра, Илкай Гюндоганга Лондоннинг "Арсенал" ва Саудия Арабистонининг "Ал-Иттиҳод" клубларидан ҳам таклифлар бўлган.