"Манчестер Юнайтед" "Интер" дарвозабони Андре Онанани қўлга киритиш борасида музокаралар олиб бормоқда, дея хабар беради журналист Фабрицио Романо.
Манба берган хабарга кўра, 22 июнь куни инглиз клуби вакиллари 27 ёшли камерунлик футболчининг агенти Альберт Ботинес билан учрашув ўтказишган. "Интер" потенциал бонус тўловларини ҳисобга олмаган ҳолда дарвозабонни 50 миллион евродан камига қўйиб юбормоқчи эмас.
Агар испаниялик ёзда жамоани тарк этса, “қизил иблислар” Онанага Давид Де Хеа ўрнига ўринбосар сифатида қарашмоқда.
Онана “Интер” сафида 2022 йилнинг июлидан буён тўп тепади. 2022/23 йилги мавсумда дарвозабон 41 учрашувда 36 та гол ўтказиб юборди ва 19 бор дарвозаси дахлсизлигини сақлаб қолди.