Бельгиялик ҳужумчи Ромелу Лукаку Саудия Арабистонидан иккинчи таклиф олди, бироқ дарҳол уни рад этди. Бу ҳақда La Gazzetta dello Sport нашри хабар бермоқда.
Номи ошкор этилмаган клуб бельгиялик футболчига йилига 30 миллион евро таклиф қилган, аммо ҳужумчини бу вариант қизиқтирмаган. Лукаку 2026 йилги жаҳон чемпионатигача Европада ўйнашни давом эттирмоқчи.
Ромелу ўтган мавсумда “Интер” сафида ижара асосида ўйнаганди. У 36 та учрашувда қатнашиб, 14 та гол ва 7 та голли узатмани амалга оширган. Ҳужумчининг тўлиқ шартномаси Лондоннинг "Челси" клубига тегишли.
