"Вильярреал" ҳужумчиси Николас Жексон "Челси"га ўтишга яқин турибди, дейди Фабрицио Романо.
Манбага кўра, "Челси" испан клуби билан келишувга эришган. Яқин вақт ичида 21 ёшли сенегаллик трансферни якунлашдан олдин тиббий кўрикдан ўтиши ва шахсий шартнома шартларини келишиб олиши керак.
2022/23 йилги мавсумда Жексон Испания Ла Лигасининг 26 учрашувида 12 та гол урди ва 4 та голли узатмани амалга оширди. Transfermarkt портали унинг нархини 30 миллион еврога баҳоламоқда.