"Vilyarreal" hujumchisi Nikolas Jekson "Chelsi"ga o‘tishga yaqin turibdi, deydi Fabrisio Romano.

Manbaga ko‘ra, "Chelsi" ispan klubi bilan kelishuvga erishgan. Yaqin vaqt ichida 21 yoshli senegallik transferni yakunlashdan oldin tibbiy ko‘rikdan o‘tishi va shaxsiy shartnoma shartlarini kelishib olishi kerak.

2022/23 yilgi mavsumda Jekson Ispaniya La Ligasining 26 uchrashuvida 12 ta gol urdi va 4 ta golli uzatmani amalga oshirdi. Transfermarkt portali uning narxini 30 million yevroga baholamoqda.