Мадриднинг “Реал” клуби “Шахтёр” ҳимоячиси Винисиус Тобиасни яна ижарага олди.
Инсайдер Фабрицио Романонинг сўзларига кўра, ҳозир томонлар ҳужжатларни имзолаш босқичида.
Бразилиялик футболчи 2024 йилнинг ёзига қадар Мадрид шарафини ҳимоя қилади. Бу ўтиш учун пойтахт клуби 500 минг евро тўлайди ва футболчини 15 миллион еврога сотиб олиш ҳуқуқини қўлга киритади.
Ўтган мавсумда Винисиус Тобиас "Реал Мадрид U-19" ва "Кастилья"да ўйнаган, асосий жамоанинг баъзи ўйинлари учун қайдномага киритилган.