Агентлар Марсело Брозовични Саудия Арабистони чемионатига ўтишга кўндирмоқчи.
"Интер" ярим ҳимоячисига "Ан-Наср" қизиқиш билдирмоқда. SportItalia нашри хабарига кўра, агентлар футболчига Ар-Риёд жамоасига ўтиш учун босим ўтказмоқда.
Қайд этилишича, "Ан-Наср" хорватиялик футболчига юқори маош ва йирик шартнома имзолаш учун бонус, унинг агентларига эса юқори комиссия таклиф қилишга тайёр.
Айни пайтда ярим ҳимоячининг ўзи ҳам "Барселона"га ўтишга интиляпти. Каталонияликлар бош мураббийи Хави Марселони ярим ҳимоядаги асосий футболчига айлантирмоқчи.
2022/23 йилги мавсумда А Серияда Брозович 28 ўйин ўтказиб, 3 та гол урди ва 5 та голли узатмани амалга оширди.
