"Ливерпуль" ва "Тоттенхэм" клублари "Вольфсбург" ҳимоячиси Микки ван де Венга қизиқиш билдирмоқда, деб хабар беради The Guardian.
Манба берган хабарга кўра, иккала инглиз клуби ҳам 22 ёшли нидерландиялик футболчини шу ёзда сотиб олишни истамоқда. "Вольфсбург" футболчи учун тахминан 30 миллион евро олмоқчи.
3 июнь куни футболчининг ўзи "Ливерпуль"да ўйнашни орзу қилишини айтганди.
Ван де Вен 2021 йилнинг августидан бери "Вольфсбург" сафида тўп суради. 2022/23 йилги мавсумда у Германия жамоаси сафида 36 та ўйинда майдонга тушиб, 1 та гол урди ва 2 та голли узатмани амалга оширди.
