"Челси" жамоаси ҳужумчиси Ромелу Лукакуни сотишга қарор қилди.
Лондон клуби ҳужумчини ижарага беришни режалаштирмаяпти, футболчи ёзги трансфер ойнасида сотилади.
Олдинроқ форвард Саудия Арабистонининг янги таклифини рад этгани хабар қилинганди.
Бельгиялик футболчи ўтган мавсумда “Интер” сафида барча турнирлар доирасида 36 та ўйинда майдонга тушиб, 14 та гол урди ва 7 та голли узатмани амалга оширди.
Transfermarkt порталига кўра, 30 ёшли футболчининг нархи 40 миллион еврони ташкил қилади. Футболчининг "Челси" билан шартномаси 2026 йилнинг июнига қадар мўлжалланган.