"Брайтон" "Аякс" ярим ҳимоячиси Муҳаммад Кудусни сотиб олишни кўриб чиқмоқда.
Фабрицио Романо хабарига кўра, ярим ҳимоячи инглиз клубининг ёздаги асосий мақсадларидан бири ҳисобланади. Трансфер борасидаги музокаралар ҳали бошланмаган.
Кудус “Аякс” сафида 2020 йилдан буён тўп тепади. 22 ёшли ярим ҳимоячининг шартномаси 2025 йилнинг июнигача мўлжалланган. Transfermarkt ганалик футболчини 30 миллион еврога баҳоламоқда.
2022/23 йилги мавсумда Кудус “Аякс” сафида барча турнирлар доирасида 41 та ўйинда майдонга тушиб, 18 та гол урди ва 6 та голли узатмани амалга оширди.