"Brayton" "Ayaks" yarim himoyachisi Muhammad Kudusni sotib olishni ko‘rib chiqmoqda.

Fabrisio Romano xabariga ko‘ra, yarim himoyachi ingliz klubining yozdagi asosiy maqsadlaridan biri hisoblanadi. Transfer borasidagi muzokaralar hali boshlanmagan.

Kudus “Ayaks” safida 2020 yildan buyon to‘p tepadi. 22 yoshli yarim himoyachining shartnomasi 2025 yilning iyunigacha mo‘ljallangan. Transfermarkt ganalik futbolchini 30 million yevroga baholamoqda.

2022/23 yilgi mavsumda Kudus “Ayaks” safida barcha turnirlar doirasida 41 ta o‘yinda maydonga tushib, 18 ta gol urdi va 6 ta golli uzatmani amalga oshirdi.