"Валенсия" америкалик ярим ҳимоячи Юнус Мусани сотишга тайёр.
Инсайдер Фабрицио Романонинг сўзларига кўра, “кўршапалаклар” раҳбарияти жорий йилнинг январь ойида ярим ҳимоячи бўйича барча таклифларни рад этганди, жумладан "Челси"нинг оғзаки таклифини ҳам. Бироқ, ҳозирда раҳбариятнинг фикри ўзгарди ва ўз футболчисини сотишга тайёр.
Қайд этилишича, испан клуби раҳбариятини 20 миллион евролик таклиф қониқтиради. Маттео Мореттонинг сўзларига кўра, "Милан" Мусани трансфер рўйхатига қўшиб олган.
Ўтган мавсумда Юнус клублар ўртасидаги барча мусобақаларда 37 та ўйинда майдонга тушиб, иккита голга ассистентлик қилган. Transfermarkt портали 20 ёшли ЖЧ-2022 иштирокчисининг нархини 18 миллион еврога баҳоламоқда.
