"Valensiya" amerikalik yarim himoyachi Yunus Musani sotishga tayyor.
Insayder Fabrisio Romanoning so‘zlariga ko‘ra, “ko‘rshapalaklar” rahbariyati joriy yilning yanvar oyida yarim himoyachi bo‘yicha barcha takliflarni rad etgandi, jumladan "Chelsi"ning og‘zaki taklifini ham. Biroq, hozirda rahbariyatning fikri o‘zgardi va o‘z futbolchisini sotishga tayyor.
Qayd etilishicha, ispan klubi rahbariyatini 20 million yevrolik taklif qoniqtiradi. Matteo Morettoning so‘zlariga ko‘ra, "Milan" Musani transfer ro‘yxatiga qo‘shib olgan.
O‘tgan mavsumda Yunus klublar o‘rtasidagi barcha musobaqalarda 37 ta o‘yinda maydonga tushib, ikkita golga assistentlik qilgan. Transfermarkt portali 20 yoshli JCH-2022 ishtirokchisining narxini 18 million yevroga baholamoqda.