Ўзбекистон Республикаси Президенти Шавкат Мирзиёев Фармони билан ЎФА Маркетинг ва медиа бўлими бошлиғи Даврон Файзиев “Соғлом турмуш” медали билан тақдирланди.
“Матбуот ва оммавий ахборот воситалари ходимлари куни муносабати билан соҳа ходимларидан бир гуруҳини мукофотлаш тўғрисида”ги Ўзбекистон Республикаси Президенти Шавкат Мирзиёев Фармони эълон қилинди.
Унга кўра, мамлакатимизда демократик тамойиллар, сўз ва матбуот эркинлигини ривожлантириш, халқимизнинг ахборот соҳасидаги конститутсиявий ҳуқуқларини таъминлаш, аҳолига холис ва ҳаққоний ахборот етказиш, жамият ва давлат идоралари ўртасидаги ўзаро ҳамкорликни янада мустаҳкамлаш ишларига қўшган муносиб ҳиссаси, юртимизда амалга оширилаётган ижтимоий-иқтисодий ислоҳотлар, янгиланиш ва инновация жараёнларини кенг ёритиш, ёш авлодни она Ватанга садоқат, миллий ва умуминсоний қадриятларга ҳурмат руҳида тарбиялаш борасидаги кўп йиллик самарали меҳнати ҳамда ижтимоий ҳаётдаги фаол иштироки учун бир гуруҳ ОАВ вакиллари мукофотланди.
Сайтимиз номидан Ўзбекистон футбол ассоциацияси бўлим бошлиғи, маҳоратли журналист, халқимиз орасида ҳурмат ва эътибор қозонган шарҳловчи Даврон Файзиев “Соғлом турмуш” медалига сазовор бўлгани муносабати билан футбол жамоатчилиги номидан табриклаймиз!
