Сешанба куни нуфузли transfermarkt портали мутахассислари Франция чемпионати футболчиларининг тахминий баҳосини қайта кўриб чиқишди.
Июнь ойи охиригача "ПСЖ" рўйхатида бўладиган ва шундан кейингина "Интер Майами"га ўтадиган Лионель Мессининг нархи 10 миллион еврога арзонлашгани ҳақида хабар берган эдик.
Яна бир ҳужумчи Неймарнинг ҳам тахминий қиймати 10 миллион евро йўқотди. Бразилиялик футболчининг нархи 60 миллион еврони ташкил этмоқда.
Айтиш жоизки, Неймар февраль ойидан бери "ПСЖ"да ўйнамади. Футболчи тўпиғидан олган оғир жароҳатидан фориғ бўлиш билан банд.
Қўшимча қиламизки, Неймар тарихдаги энг қиммат футболчи бўлиб қолмоқда. 2017 йилда "ПСЖ" унинг трансфери учун 222 миллион евро тўлаган.