"Лестер" раҳбарияти Англия премьер-лигаси клублари сонига қайтиш учун кураш олиб бориш учун таркибни кучайтириш билан банд.
Таниқли журналист Фабрицио Романонинг хабар беришича, ҳимоячи Конор Коди эртага, 29 июл куни “тулкилар”нинг янги футболчиси сифатида тиббий кўрикдан ўтади. "Вулверхэмптон" билан келишув 1 миллион фунт бонусни ҳисобга олмаганда 7,5 миллион фунт стерлингга якунлангани айтилмоқда.
Эслатиб ўтамиз, Конор Коди ўтган мавсумни ижара асосида "Эвертон"да ўтказган эди. Барча мусобақаларда 25 та ўйин ўтказган.