"Интер"нинг чап қанот ҳимоячиси Робин Госенсга бошқа клублар қизиқиш билдиришда давом этмоқда.
Олдинроқ 28 ёшли футболчи Берлинга ўтишга яқин тургани, аммо келишув ҳали амалга ошмагани ҳақида хабар берилганди. SportItalia хабарига кўра, Госенс учун курашга Англиянинг "Борнмут" клуби қўшилган, Бундеслиганинг яна бир вакили "Вольфцбург" ҳам даъвогарлар қаторига.
"Интер" немис футболчисини сотишдан тахминан 18 миллион евро ишлаб олмоқчи. Нерадзуррилар футболчини сотиб олиш опсияси билан ижарага беришдан кўра, уни тўлиқ сотишни афзал кўришади.
Ўтган мавсумда Робин Госенс 49 та ўйинда иштирок этиб, 4 та гол урган.
