Европа футбол уюшмалари иттифоқи (УЕФА) Суперкубок учун ўйин форматини ўзгартирди.
Янги регламентга кўра, асосий вақт якунида дуранг қайд этилган тақдирда, жамоалар ғолибни аниқлаш учун тўғридан-тўғри пенальтилар сериясини амалга оширади. 15 дақиқалик иккита қўшимча таймдан иборат формат бекор қилинди.
Чемпионлар лигаси ғолиби "Манчестер Сити" ва Европа лигаси чемпиони "Севилья" 2023 йилги УЕФА Суперкубоги баҳсида тўқнаш келишади. Ўйин 16 август куни Афинада бўлиб ўтади.
УЕФА Суперкубоги 1972 йилда ташкил этилган. Энг кўп кубокни "Барселона", "Реал Мадрид" ва "Милан" (ҳар бири 5 тадан) қўлга киритган. Суперкубокнинг амалдаги соҳиби 2022 йилда Франкфуртнинг “Айнтрахт” клубини мағлуб этган (2:0) Мадрид клуби ҳисобланади.