Суперлига 8-турида меҳмонда “Пахтакор” билан дуранг қайд этган “Андижон” клуби устози Александр Хомяков пешқадамдан олинган очкодан хурсанд эканлиги, Хебайнинг жамоада қолиш имкониятлари ва Эсанов ва режалар ҳақида гапирди.
“Чемпионат пешқадами билан ўйинда очко тортиб олганимиздан хурсандмиз. Қийин, тажовузкор ўйин бўлди. Ҳисобда ортда қолаётганимизга қарамай, ўз ўйинимизни намойиш этдик ва гол урдик. Дуранг ҳаққоний натижа бўлди”.
“Гол ўтказиб юборганимиздан кейин жамоа ҳамжиҳатроқ ўйнади. Кўпроқ ҳужум қилдик ва гол урдик”.
“Хебай жамоа сафида қолишига ишонаман. Унинг амалдаги шартномаси бор ва бу шартнома бўйича мажбуриятлари мавжуд. Иккинчи даврада ҳам у бизнинг сафимизда қолишига ва бизга ёрдам беришига умид қиламан”.
“Эсановни анчадан бери кўрмаяпмиз. У ёшлар термаси сафида ўйнагани боис жамоамизда узоқ вақтдан бери шуғулланмаяпти. Албатта, унда асосий таркибга кириш учун потенциал этарли ва барчаси унинг ўз қўлида”.
“Иккинчи даврада жамоамизга қийинроқ бўлади. Биз яна ўз стадионимизга қайтамиз. Бу биз учун жуда муҳим. Планкани анча баландга кўтара олдик. Шунинг учун кўпроқ меҳнат қиламиз. Албатта, мураббий сифатида айрим позицияларни кучайтиришни истайман”.
