Суперлига 8-турида ўз уйида “Андижон” билан дуранг ўйнаган “Пахтакор” клуби бош мураббийи Максим Шацких жамоа ўйинига агрессия этишмагани, Ҳамробековнинг ҳимоя марказидан ўрин олиши, жамоага янги қон керак экани ва режадаги трансферлар ҳақида фикр билдирди.

“Бугун бизга бироз агрессия етишмади. Ҳужумчиларимиз охирги нуқтани қўйишда оқсашаяпти. Хоҳиш бор, аммо, аввал айтган гапни қайтараман – агрессия етишмаяпти”, - деди мураббий.

“Ҳамробеков марказий ҳимояда ўйнаётганини сабабини аввалги ўйинда айтган эдим. Бугун ҳам уни яна марказда туширганимни сабаби оддий, шунчаки аввалги ўйиндаги таркибни алмаштирмадим”.

“Жамоага янги футболчиларни жалб этишни режалаштираяпмиз. Албатта, жамоага янги қон керак. Бусиз ўсиш бўлмайди. Бу борада ишлаяпмиз. Қандай трансфер янгиликлари бўлса, албатта сизларни хабардор қиламиз, яширадиган нарса йўқ”.

“Ҳожимат Эркинов ўзимизнинг жамоадан этишиб чиққан ўйинчи. Албатта, уни яна шу ерда кўришдан хурсанд бўлардик. Уни таклиф этиш бўйича ишлар кетаяпти, аммо бу борада аниқ нимадир айта олмайман”.