"Барселона" президенти Жоан Лапорта Лионель Мессининг реконструкция қилинган "Камп Ноу"нинг очилишига келишига умид қилмоқда.
"Месси қайтиб келмади, чунки у яна бундай босимга дучор бўлишни истамади. Биз уни ҳурмат қиламиз ва “Интер Майами”да яхши ўйин кўрсатишига умид қиламиз. Агар у янгиланган "Камп Ноу" очилишида бўлса, ажойиб бўларди" - деди Лапорта.
Месси 2021 йилнинг августида шартномадаги қийинчиликлар туфайли "Барселона"ни тарк этишга мажбур бўлганди. Аргентиналик футболчи "ПСЖ"га ўтди ва у ерда икки йил ўтказди. Бу ёзда у "Интер Майами"га кўчиб ўтди.
