Ярим ҳимоячи Марсело Брозовичнинг ёзда "Интер"дан "Ан-Наср"га ўтиши хавф остида. Инсайдер Жанлука ди Марсионинг ўз сайтида маълум қилишича, Саудия клуби футболчи билан келишувдан сўнг “нерадзурри” учун таклифни қисқартирган.
Агар дастлаб “Ан-Наср” 23 миллион евро таклиф қилган бўлса, энди гап 15 миллион евро (13 миллион+бонус) ҳақида кетмоқда. Бунинг устига 30 ёшли Брозович "Интер"дан ишдан бўшатиш тўловини сўради. Музокаралар эса тўхтаб қолди.
Марсело Брозович "Интер"да 2015 йилнинг январ ойи охиридан бери ўйнаб келмоқда. Клуб учун 330 та учрашувда хорватиялик футболчи 31 та гол урди ва 43 та самарали узатмани ҳамкорларига берди.
