Yarim himoyachi Marselo Brozovichning yozda "Inter"dan "An-Nasr"ga o‘tishi xavf ostida. Insayder Janluka di Marsioning o‘z saytida ma’lum qilishicha, Saudiya klubi futbolchi bilan kelishuvdan so‘ng “neradzurri” uchun taklifni qisqartirgan.
Agar dastlab “An-Nasr” 23 million yevro taklif qilgan bo‘lsa, endi gap 15 million yevro (13 million+bonus) haqida ketmoqda. Buning ustiga 30 yoshli Brozovich "Inter"dan ishdan bo‘shatish to‘lovini so‘radi. Muzokaralar esa to‘xtab qoldi.
Marselo Brozovich "Inter"da 2015 yilning yanvar oyi oxiridan beri o‘ynab kelmoqda. Klub uchun 330 ta uchrashuvda xorvatiyalik futbolchi 31 ta gol urdi va 43 ta samarali uzatmani hamkorlariga berdi.
