“Ан-Наср” “Севилья” дарвозабони Яссин Бунуга қизиқиш билдирмоқда.
AS нашрининг ёзишича, Саудия клуби жароҳат олган колумбиялик дарвозабон Давид Оспинага ўринбосар қидирмоқда.
Қайд этилишича, Буну “Севилья” таркибида Европа лигасида ғолиб чиққан ёрқин мавсумдан сўнг риёдликлар раҳбариятини қизиқтириб қолган, шунингдек, Марокаш терма жамоасига Қатарда бўлиб ўтган жаҳон чемпионатининг ярим финалига чиқишга ёрдам берган.
32 ёшли дарвозабон испан клубида 2020 йилнинг сентябридан буён ўйнаб келмоқда. Унинг амалдаги шартномаси 2025 йилнинг июнигача мўлжалланган. Transfermarkt порталига кўра футболчининг нархи 12 миллион еврога баҳоланмоқда.
