Дарвозабон Иньяки Пенья, ҳимоячилар Рональд Араухо ва Маркос Алонсо ҳамда ярим ҳимоячи Серхи Роберто янги шартномалар рўйхатдан ўтмагани учун Ла Лига сайтида "Барселона" таркибидан чиқарилди.
Ла Лига раҳбарияти клубдаги молиявий муаммолар туфайли футболчиларнинг янги келишувларини қабул қилмади. "Барселона"нинг режаси тасдиқланиши биланоқ, ўйинчиларнинг шартномалари ташкилот сайтида пайдо бўлади. Ҳозир тўрт нафар футболчи ҳам Испания чемпионати ўйинларида "кўк-анорранглилар" сафида ўйнаш ҳуқуқига эга эмас.
“Барселона” ўтган мавсумда Испания чемпиони бўлди ва 2019 йилдан буён илк бор кубокни қўлга киритди. Бироқ клубда жиддий молиявий муаммолар давом этмоқда.