"Челси" ўзининг расмий сайтида португалиялик вингер Диего Морейра билан шартнома имзолаганини эълон қилди.
Transfermarkt портали хабарига кўра, 18 ёшли футболчининг Лондон клуби билан шартномаси 2028 йилнинг ёзига қадар тузилган. Португалия ёшлар терма жамоаси футболчисининг бозор нархи ҳозирда 2 миллион еврога баҳоланмоқда.
Ёш футболчи ўтган мавсумни "Бенфика"да ўтказди. "Бургутлар"нинг катталар жамоаси сафида Морейра иккита ўйин ўтказди.
Эслатиб ўтамиз, "Челси" Англия чемпионатининг сўнгги мавсумини еврокубокларга чиқа олмай, турнир жадвалида 12-ўринда якунлади. Олдинроқ “кўклар” “Норвич”дан 18 ёшли Алекс Матосни ҳам ўз сафига қўшиб олганлиги ҳақида хабар берилганди.
