"Chelsi" o‘zining rasmiy saytida portugaliyalik vinger Diyego Moreyra bilan shartnoma imzolaganini e’lon qildi.

Transfermarkt portali xabariga ko‘ra, 18 yoshli futbolchining London klubi bilan shartnomasi 2028 yilning yoziga qadar tuzilgan. Portugaliya yoshlar terma jamoasi futbolchisining bozor narxi hozirda 2 million yevroga baholanmoqda.

Yosh futbolchi o‘tgan mavsumni "Benfika"da o‘tkazdi. "Burgutlar"ning kattalar jamoasi safida Moreyra ikkita o‘yin o‘tkazdi.

Eslatib o‘tamiz, "Chelsi" Angliya chempionatining so‘nggi mavsumini yevrokuboklarga chiqa olmay, turnir jadvalida 12-o‘rinda yakunladi. Oldinroq “ko‘klar” “Norvich”dan 18 yoshli Aleks Matosni ham o‘z safiga qo‘shib olganligi haqida xabar berilgandi.