Куни кеча Наманганда 1999 йилда туғилган ёшлар ўртасида республика биринчилиги якунига етди, деб хабар беради УзИнформ.

Мусобақалар Намангандаги "Ёш куч" ҳамда "Навбаҳор-Умид" футбол мактабига қарашли майдонларда бўлиб ўтди. Турнирда жами 10 та жамоа қатнашган бўлиб, учрашувлар 25 дақиқадан иборат икки бўлимдан иборат бўлди.

Наманганлик ёш футболчилар ўз гуруҳларида Қашқадарё (2:0), Андижон-2 (6:0) ва Бухоро (4:4) жамоалари билан беллашиб, гуруҳда дастлабки ўрин билан ярим финалга йўл олишди. "А" гуруҳидан шунингдек Бухоро вакиллари ҳам плей-оффга йўл олишди.

Ярим финалда ёшларимиз фарғоналик тенгқурларига қарши кечган учрашувда қийинчилик билан (2:1) зафар қучиб финалга йўл олишда. Финалда эса ўз гуруҳдошлари - Бухоро жамоаси рақиб бўлди. Қизиқарли кечган учрашувда Наманган жамоаси ягона гол эвазига ғалаба қозониб, Ўзбекистон чемпиони бўлишди!

Ярим финал
Наманган-Фарғона 2:1
Бухоро-Тошкент вил. 1:0

3-ўрин учун
Фарғона-Тошкент вил. 2:0

ФИНАЛ
Наманган-Бухоро 1:0

"Навбаҳор"нинг келажаги шу ёшлар қўлида!