Сержино Дест "Милан"ни тарк этди ва "Барселона"га қайтмоқда. Бу ҳақда “россонерилар” матбуот хизмати хабар берди.
Америкалик футболчи 2022/23 йилги мавсумни "Милан"да ижара асосида ўтказган. Шу вақт ичида у барча турнирларни ҳисобга олган ҳолда 14 та учрашувда қатнашди ва самарали ҳаракатлари билан ажралиб турмади. Аввалроқ Каталония клуби 22 ёшли футболчини ўз режаларига киритмагани ва ёзги трансфер ойнасида у билан хайрлашишга тайёрлиги ҳақида хабар берилганди.
Дестнинг "Барселона" билан меҳнат шартномаси 2024/25 йилги мавсум охиригача амал қилади. Transfermarkt экспертлари ҳимоячининг нархини ўн миллион еврога баҳоламоқда.
