Serjino Dest "Milan"ni tark etdi va "Barselona"ga qaytmoqda. Bu haqda “rossonerilar” matbuot xizmati xabar berdi.

Amerikalik futbolchi 2022/23 yilgi mavsumni "Milan"da ijara asosida o‘tkazgan. Shu vaqt ichida u barcha turnirlarni hisobga olgan holda 14 ta uchrashuvda qatnashdi va samarali harakatlari bilan ajralib turmadi. Avvalroq Kataloniya klubi 22 yoshli futbolchini o‘z rejalariga kiritmagani va yozgi transfer oynasida u bilan xayrlashishga tayyorligi haqida xabar berilgandi.

Destning "Barselona" bilan mehnat shartnomasi 2024/25 yilgi mavsum oxirigacha amal qiladi. Transfermarkt ekspertlari himoyachining narxini o‘n million yevroga baholamoqda.