Footy Headlines портали "Челси"нинг келаси мавсум учун янги сафар либоси суратларини чоп этди. Кийим икки рангда - қора ва кўкда қилинган.
Ранг схемаси 2002/2003 йилги сафар тўпламидан илҳомланган, янги формалар эса футуристик элементлар билан яратилган.
"Кўклар" нинг техник ҳамкори Американинг Nike компанияси ҳисобланади. Либоснинг расмий тақдимоти ёз ўрталарида бўлиб ўтади.
"Челси" ўтган мавсумда Англия Премьер-лигасида муваффақиятсизликка учради ва 12-ўринни эгаллади. Лондонликлар янги миллий чемпионатни 13 август куни бошлайди.
