Испаниялик ҳимоячилар Жорди Альба ва Серхио Рамос, ҳозирда эркин агент бўлиб, фаолиятини Европадан ташқарида давом эттиришлари мумкин.
Sport.es нашри хабар беришича, "Интер Майами" "Барселона" ва "Реал"нинг собиқ футболчиларини ўз сафига қўшиб олмоқчи. Июнь ойида аргентиналик ҳужумчи Лионель Месси ва ярим ҳимоячи Серхио Бускетс Флорида жамоаси сафига келиб қўшилди.
Альба ўтган мавсумда "Барселона" сафида Ла Лигада 24 та ўйинда майдонга тушиб, 2 та гол ва 3 та голли узатмага муаллифлик қилган. Рамос сўнгги мавсумда "ПСЖ"да ўйнаган. Серхио Лига 1да 33 та ўйинда майдонга тушиб, 2 та гол урди ва голли узатмани амалга оширди.
