Жанубий Корея терма жамоаси ва "Наполи" ҳимоячиси Ким Мин Чже Германия чемпионатига ўтишга яқин турибди.
Инсайдер Фабрицио Романонинг хабар беришича, Мюнхеннинг "Бавария" клуби трансферни якунламоқда.
Чже яқин ўн кун ичида Бундеслига чемпиони сафига қўшилади. Ҳимоячининг "Бавария" билан тузилган шартномаси муддати 2028 йилнинг ўрталарига қадар мўлжалланади. Трансфер суммаси 50 миллион еврони ташкил қилади.
Ким Мин ўтган йилнинг июль ойидан бери "Наполи" жамоасида ўйнаб келаётганди. Италия чемпионатининг сўнгги мавсумида ҳимоячи 35 та ўйинда майдонга тушиб, иккита гол урди ва иккита самарали узатмани амалга оширди.
