"ПСЖ" ҳужумчиси Мауро Икарди Саудия Арабистонининг номи ошкор этилмаган клубидан тушган таклифни рад этди, дея хабар беради журналист Николо Скира.
Манбага кўра, жамоа 30 ёшли аргентиналик футболчига йилига 25 миллион евро маош билан шартнома таклиф қилган, бироқ футболчи Европада ўйнашни давом эттиришни устувор вазифа деб ҳисобламоқда.
Италиянинг "Сампдория" клуби футболчини қидирмоқда.
2022/23 йилги мавсумда Икарди "Галатасарой"да ижара асосида ўйнаган. Ҳужумчи Туркия жамоаси сафида 26 учрашувда 23 та гол урди ва 8 та голли узатмани амалга оширди.
Transfermarkt.com портали футболчининг нархини 19 миллион еврога баҳоламоқда.
