Жиззахнинг "Сўғдиёна" жамоаси давралар оралиғида ўз сафига легионер футболчи қўшиб олди. Македония терма жамоаси аъзоси Люпче Дориев "бўрилар" билан шартнома имзолади.
Дориев 1995 йил 13 сентябрда Македонияда таваллуд топган.
Маълумот ўрнида футболчи фаолияти давомида "Ҳоризонт", "Пандев Академияси", "Шкендия" жамоаларида фаолият олиб борган. Шкендия жамоаси сафида 25 учрашувда майдонга тушиб, 10 гол ҳамда 7та голли узатма амалга оширган. Шунингдек 1822 дақиқа майдонда ҳаракат қилган.
Европа лигаси саралаш доирасида 6 учрашувда майдонга тушиб, 2 гол ва 2 ассист амалга оширган (474 дақиқа майдонда ҳаракат қилган).
Шунингдек Македония терма жамоаси сафида 7 учрашувда майдонга тушган.
