Каталониянинг "Барселона" клуби собиқ футболчиси, ҳозирда Римнинг "Лацио" клуби шарафини ҳимоя қилаётган Педро Родригес ярим ҳимоячи Сеск Фабрегаснинг фаолиятини якунлаш ҳақидаги қарорига изоҳ берди.
"Бундай муваффақиятли мартаба билан табриклайман. Биз бирга бўлган барча дақиқалар учун раҳмат. Сизга янги босқичда энг яхши тилакларимни тилайман. Афсона", - деб пост қолдирди Педро ижтимоий тармоқларда.
Аввалроқ матбуотда Фабрегас мураббийлик фаолиятини бошлаш ҳақида ўйлаётгани ҳақида хабарлар тарқалган эди.
Сеск футболчи сифатида Лондоннинг "Арсенал", Каталониянинг “Барселона”, “Челси” ва “Монако” клубларида ўйнаган. Унинг сўнгги клуби Италиянинг "Комо" клуби эди.
