Испанияда полиция ирқчилик ҳолатларида футбол ўйинларини тўхтата олади.
Marca нашрининг хабар беришича, Испания ИИВ мухлисларнинг ирқчи хатти-ҳаракатларида полиция ролини кучайтирувчи кўрсатма тайёрлади. Энди полиция ҳакамдан ўйинни вақтинча тўхтатиш ёки бутунлай тўхтатишни сўраш ҳуқуқига эга бўлади.
Қайд этилишича, бундай муносабатга “Реал” вингери Винисиус билан боғлиқ вазият сабаб бўлган. Ла Лиганинг 35-туридан ўрин олган ўйинда “Валенсия” мухлислари бразилиялик футболчини “маймун” ва “аҳмоқ” деб ҳақорат қилишди, бу эса “Реал” футболчилари билан муштлашувга сабаб бўлди. Натижада ўйин 8 дақиқага тўхтатилди.
